የኢትዮጵያ ብሔራዊ ምርጫ ቦርድ መጪውን 6ተኛ አገራዊ የምርጫ ረቂቅ የጊዜ ሰሌዳ ይፋ አደረገ
የኢትዮጵያ ብሔራዊ ምርጫ ቦርድ መጪውን 6ተኛ አገራዊ የምርጫ ረቂቅ የጊዜ ሰሌዳ ይፋ አደረገ።
የድምጽ መስጫ ቀን ግንቦት 28 ቀን 2013 ዓ.ም በረቂቅ የጊዜ ሰሌዳው የተቀጠ ሲሆን የአዲስ አበባ ከተማ እና የድሬዳዋ ከተማ መስተዳድሮች የድምጽ መስጫ ቀን ሰኔ 05 ቀን 2013 ዓ.ም እንዲሆን በረቂቁ ተመላክቷል።
ግንቦት 28 እና 29 ቀን 2013 ዓ.ም ለአገር አቀፍ ምርጫ በምርጫ ጣቢያ ደረጃ ውጤት የሚገለጽባቸው ቀናት እንዲሆኑም በረቂቁ ተቀምጧል።
ከግንቦት 29 እስከ ሰኔ 21 ቀን 2013 ዓ.ም ባለው ጊዜ ውስጥ የመጨረሻ የምርጫ ውጤት የሚገለጽበት ጊዜ እንደሚሆንም የቦርዱ ረቂቅ የጊዜ ሰሌዳ አመልክቷል።
የምረጡኝ ቅስቀሳ ዘመቻ ከየካቲት 08 ቀን እስከ ግንቦት 23 ቀን 2013 ዓ.ም ባለው ጊዜ ውስጥ እንዲሆን ተቀምጧል።
የመራጮች ምዝገባ የሚካሄድበት ከየካቲት 22 እስከ መጋቢት 21 ቀን 2013 ዓ.ም እንዲካሄድ በጊዜያዊነት ቀን ተቆርጦለታል።
ረቂቅ የጊዜ ሰሌዳው የትግራይ ክልልን እንደማይመለከትም ገልጿል።